Zer dira?
Didaktikaren ikuspegitik,
jokoen simulazioa ikaskuntza-teknika interaktibo bat da, eta bere bitartez
egoera erreal zein hipotetiko bat aurkezten da gelan.
Zertarako balio dute?
Simulazioek ikasleari aukera ematen diote bere jakintza
modu aktibo batean sortzeko eta, aldi berean, arazoen ebazpena eta erabaki
harrera lantzeko gaitasunak garatzen laguntzen dio. Praktika hauek, ikaslearen
hezkuntza-prozesuarentzako aspektu positiboak suposatzen ditu eta, era berean,
bere garapen akademiko eta morala bultzatzen du.
Alderdi positiboei dagokienez, esan dezakegu
elkarreragina lantzen dela eta, aldi berean, besteen iritzi eta interesak
kontuan hartzeko aukera eskaintzen duela.
Horretaz gain, ikasle bakoitzaren erritmora
egokitu daitezkeen jarduerak dira eta horrek ikasleak bere ikaskuntza-estiloa
izatea ahalbidetzen du. Hori dela eta, aniztasuna tratatzeko teknika paregabea
da.
Naturako prozesuen ereduak egiteko simulazioak erabiltzea gero eta ohikoagoa da Lehen Hezkuntzako
klaseetan. Modu honetan, ikasleek praktikara
eraman ditzakete klasean teorikoki landutako edukiak. Jarduera hauek egiteko
behar den materiala oso sinplea da, ordenagailua baino ez dugu behar. Gainera,
gaur egun eskola guztietan ikasleak Eskola 2.0 proiektuan sartuta daudenez,
bakoitzak bere ordenagailu eramangarria dauka eta horrek jarduera errazago
egitea ahalbidetzen du.
Funtsean, ez dago alde handirik ordenagailuz
egindako esperimentazioaren eta ohiko esperimentazioaren artean. Zenbait
neurketa-aparailu eta laborategi-tresna erabiltzen dira bi kasuotan, baina
abantaila handiak ohar ditzakegu ordenagailuak erabiltzen badira
neurketa-sisteman. Datuak hartzeko prozesua automatizatu egiten da, neurketen
emaitzak ordenagailuan biltzen dira, eta zenbait software-tresna balia
ditzakegu haiek prozesatzeko. Gainera, oso sinplea da datuak formatu grafikoan
aurkeztea; horrela, nabarmen errazten da analisia egiteko eta hezkuntzan
erabiltzeko prozesua.
Azkenik, aipatu beharra dago, mota honetako
jarduerek ebaluazio jarraitua egitea eskatzen dutela irakasleen aldetik, izan
ere, oso garrantzitsua da ikaslearen eguneroko lana kontuan hartzea eta
baloratzea.
Hizkuntza:
Gure adibidean erdaraz dago.
Proposatutako ariketa:
Irakasleak ikasleei hurrengo
link-a *Simulazioa ariketa arbelean jarriko du. Ikasleak taldeka jarriko dira eta web orri horri
honetara sartu beharko dira. Behin orrialde honetan daudelarik, irakasleak
eskatutako egin beharko dute. Andereñoak jarduera honekin hurrengo helburuak
lortu nahi izango ditu:
ü Errotazio eta translazio-mugimenduak bereizi.
ü Islatu zergatik Ilargiak, Lurrari begira,
beti aurpegi berbera erakusten duen.
No hay comentarios:
Publicar un comentario